எஸ். பாயிஷா அலி- பூந்துணர்

 

வரிகளுக்கூடான வாழ்க்கை மாற்றம்

 

கிண்ணியா, பாடசாலை தோழிகள் இருவர்  உருவாக்கிய   KGC 95  என்ற  வட்ஸ் அப்  குரூப் இன்று, கிண்ணியா மகளிர் மஞ்சரி ( KMM) என்ற  அரச அங்கீகாரம்  பெற்ற மகளிர் அமைப்பாக வியாபித்து, பெரு வளர்ச்சி கண்டுள்ள  வரலாறு  நம்மை ஆச்சரியப்படுத்துகிறது. இந்த அமைப்பானது, கிண்ணியாவில் நன்கு வேரூன்றி ஏறக்குறைய 250 மகளிரைக் கொண்டு, கிண்ணியாவில் கலை இலக்கிய சமூகப் பணிகளில் முனைப்புடன் செயற்பட்டு வருகிறது..

குறைந்த வருமானம் உடைய பாடசாலை மாணவர்களுக்கு  பாடசாலை உபகரணங்கள் வழங்குதல்,  அனர்த்த நிவாரணம்,  இலவச சிங்கள, ஆங்கில  நிகழ்நிலை வகுப்புகள்,  ஆன்மீக வழிகாட்டல், புனித குர்ஆன் விளக்க வகுப்புகள்  எனப் பல்வேறு சேவைகளை வழங்கி வரும்  இந்த அமைப்பின், எதிர்கால நோக்கங்களாக,  மகளிருக்கான ஒரு நூலகம் அமைத்தல், முச்சக்கர வண்டிக்கான பெண் சாரதிகளை பயிற்றுவித்தல், அடைவுமட்டம் குறைந்த வகுப்புக்களை பாரமெடுத்து உயர்த்துதல்,  இஸ்லாமிய மரணச் சடங்குப் பயிற்சி நெறி, பெண்களுக்கான உளவியல் வலுவூட்டல் நிகழ்வுகள், முதியோர் பராமரிப்பு,  வைத்திய முகாம் மற்றும் இரத்த தான நிகழ்வுகள்.....இப்படி இன்னும் பலவிதமான ஆரோக்கியமான நிகழ்ச்சி நிரல்களை தம் வசம் வைத்துக் கொண்டிருக்கும்  இந்த  கிண்ணியா மகளிர் மஞ்சரி  வெளியிட்டிருக்கும் ஒரு சஞ்சிகை பூந்துணர் என்ற பெயரில்  மலர்ந்துள்ளது.. அவர்களின் ஒரு நல்ல சஞ்சிகைக்கான கனவு இன்று சாத்தியமாகியிருக்கிறது....

 

“வரிகளுக்கூடான வாழ்க்கை மாற்றம்”  என்ற மகுட வாசகத்தை அணிந்துகொண்டு,  அழகான தளக்கோலத்துடன்,  காத்திரமான –பல ஆக்கங்களுடன், பன்னூலாசிரியர், திருமதி, பாயிஷா அலி  அவர்களின் நெறியாள்கையில் கிண்ணியா மகளிரின் பல்வேறுபட்ட காத்திரமான ஆக்கங்களுடன், வெளிவந்துள்ளது.  

 

சஞ்சிகையில் உள்ள, அருமையான பல ஆக்கங்களில், றைஹானத்தும்மா ரீச்சர் என்னும் ஆளுமை, தன் பிள்ளைகளிடம் விதைத்து விட்ட  அந்த, திடவுறுதி, தன்னம்பிக்கை போன்ற உணர்வுகளை கவர்ச்சியான எழுத்து நடையில்  சொல்லியிருக்கும்  பாயிஷா அலியின் வனராணி என்ற  கட்டுரை உயிரோட்டம் மிக்கதாய் உள்ளது.  

 

குத்துக் கச்சான் என்ற பம்பரா நிலக்கடலையின், பூர்வீகம், வளர்ச்சி, விளைச்சல் பற்றி, அப்துல் ஹசன் ஆயிஷா அவர்கள் விபரித்துச் சொல்லும்  பெறுமதியான ஒரு ஆக்கமும் பூந்துணர் சஞ்சிகையை அலங்கரிக்கின்றது. கிண்ணியா சபீனா வின் இருள் விலகுமே... என்ற சிறுகதை ஒரு நல்ல நூலிழையில் பின்னப்பட்டிருந்த போதிலும், கதையின் பாத்திரங்கள்  கிண்ணியா நிலத்தின் மொழி நடையைப் பேசவில்லை என்பது ஒரு நெருடல்...

 

ரிக்காசா முகமத் நபாரின்,  ‘உறவாடுவோம்’ என்ற  உரைநடைச் சித்திரம்  மனித வாழ்வின் அன்பு,  உறவு, இயல்பு, போன்றவற்றை  இலகு நடையில் விபரித்துச் செல்கிறது. சன்ஷீதா ஜமீலின், உளத் தூய்மை என்ற ஆக்கம்   மானுட உளவியலை  இஸ்லாத்தின் கண்ணோட்டத்தில் விளக்கும் ஒரு சிறந்த ஆக்கம் ஆகும்.

ஆசிரியர்களின் வாண்மை விருத்திச் செயற்பாடுகள் என்ற மாபெரும்  விடயதானத்தை நன்கு சுருக்கித் தந்துள்ளார் பிரதி அதிபர்,  சித்தி ஷிஹாரா  முகம்மது அலி   அவர்கள்..

 

பூந்துணரின்  முதன்மைப் பெண் ஆளுமைகள் வரிசையில்  முதலாவதாக,  மூதூர் முதல் பா.உ. அபூபக்கர் அவர்களின் பேர்த்தியும், பட்டதாரிக் கல்வியியலாளருமான, திருமதி சல்மத்துல் ஜெஸீலா நிஜாம்தீன் அவர்களுக்கு இந்த இதழில் கிரீடம் சூட்டிக் கௌரவம் செய்திருக்கிறார்கள். 

 

இவ்விதழில்,  ‘புகை’ என்ற தலைப்பில்,  வைத்திய கலாநிதி  ரஜியா முயீஸ் அவர்களின் அனுபவப் பகிர்வு  குறிப்பிடத்தக்க ஓர் ஆக்கம் ஆகும்.

 

ஓய்வுபெற்ற அதிபர், திருமதி ரைஹானத்தும்மா அப்துல் ஸலாம் அவர்கள் எழுதியிருக்கும், கிண்ணியாவின் கல்வித் தாய் சித்தி ரீச்சர்  என்ற விவரணம், சித்தி ரீச்சரின், கல்விப் பணிகள், அவரது குணாதிசயங்கள் , போன்றவற்றை விபரமாக எடுத்துச் சொல்லும் ஒரு முக்கிய கட்டுரை ஆகும்.. கிண்ணியாவின் கல்வி வரலாற்றில் இவரைப் போன்ற மூத்த மகளிரின் வரலாறு பொன்னெழுத்துக்களால் பொறிக்கப்படவேண்டிய ஒன்றாகும்.

 

‘’சவால்களை எதிர்கொண்டு சமாளிக்கக் கூடிய  மனோதைரிய உள்ளவராக இருந்தால்தான்  சிறப்பான மாணவ சமுதாயத்தை  உருவாக்கலாம்...’’ என்று பிரகடனம் செய்யும்  திருமதி  நாதிரா ஷஹீத்  அமீன்பாரி  என்ற ஓய்வு நிலைப் பள்ளி முதல்வரின் நேர்காணல் எத்தனையோ காத்திரமான  கல்வியியல் கருத்துக்களையும், நிர்வாக மேம்பாட்டு ஆலோசனைகளையும் சொல்கிறது.  இந்நேர்காணலை திறம்படச் செய்துள்ளார், ஜெனீரா தௌபீக் ஹைருள் அமான் அவர்கள்.

 

கின்னியாச் செல்வி என எழுத்துலகில் பேர்பெற்ற  நூலாசிரியர்  கலாபூஷணம்,  ராஹிலா மஜீத் நூன்  என்பாரின், ‘’இல்லத்தரசிகளும், இல்லற வாழ்வும்’’ என்ற நூல் பற்றிய ஒரு அறிமுகத்தையும், நூலாசிரியரின் இலக்கியப் பங்களிப்புகள் பற்றி நாம் அறியாத பல தகவல்களையும்  எஸ். மிஸ்ரியா அமீன் தந்துள்ளார்..

 

கிண்ணியா மகளிர் மஞ்சரி என்ற இயக்கம், துளிர்விட்ட வரலாறு தொடக்கம், மஞ்சரி ஆற்றிய, ஆற்றிவரும்   பணிகள் சேவைகள் பற்றி விலாவாரியான  ஒரு கட்டுரையை வரைந்துள்ளார் இவ்வமைப்பின் உப தலைவர்  டாக்டர்  மு.ச. நஸ்லுன் சிதாரா அவர்கள்.

 

பாடசாலைக் கல்வி தொடர்பாக  சம காலத்தில் பேணப்பட வேண்டிய  சிறுவர் உரிமைகள் பற்றி, சட்டத்தரணி எஸ். நசீரா நஜாத் அவர்கள் பெறுமதியான, விரிவான  ஒரு ஆக்கத்தை தந்துள்ளார். யு. கிசோர் ஜகான் என்பார் ‘’பெண்களின் புலம்பல்’’ என்ற சுவாரஸ்யமான ஒரு தலைப்பில் பெண்கள் அன்றாட வாழ்வில் எதிகொள்ளும் பல்வேறு பிரச்சினைகள், தொல்லைகளைப் படியளிட்டு அவற்றுக்கான தீர்வுகளையும்  அழகுறத் தந்துள்ளார்.

 

பாடசாலையில் வைத்து பூப்பெய்தும்  ஒரு மாணவியின் உடல், உள வலிகளை மிக அற்புதமான மொழி நடையில் சொல்கிறது   கிண்ணியா பாயிஷா அலியின், ’புரிதல்’ என்ற சிறுகதை, அந்த மாணவியின் வேதனை, அவள் எதிர்கொள்ளும் வினைகள் போன்றவற்றை மையச் சரட்டாகக் கொண்டு  கதையை இலகுவாக நகர்த்தியிருக்கிறார் ஆசிரியர்.

 

மற்றும், பாத்திமா  முஸ்னா பவாஸின் ‘சமையல் குறிப்பு’  உட்பட பல நல்ல கவிதைகளையும் உள்ளடக்கி  வெளிவந்துள்ள பூந்துணர் சஞ்சிகை நானூறு ரூபாய் விலையில் 71 பக்கங்களில் மிக அழகான தோற்றப் பொலிவுடன் கிடைக்கிறது.

 

கிண்ணியா மகளிர் மஞ்சரிக்கு எமது மனமார்ந்த வாழ்த்துக்கள்.

 

 

 

நபீல்/இக்பால் அலி/கப்பார்

 

நபீலின், தென்னம்படல் மறைப்பு.

நடந்த நாட்களின் நூதனசாலை

 

என்னத்தை எழுதவில்லை நபீல்..?  காகிதங்கள் முழுவதும் நினைவு மேகங்கள் கொண்டு கடந்த காலங்களை, பெருமழையாகப் பெய்து தள்ளியிருக்கிறார்.. அந்த ஞாபக வெளி முழுவதும் நம்மையும் அழைத்துச் செல்கிறார். 

 

நூலின் ஒவ்வொரு தாளாகப் புரட்டப் புரட்ட, ஒரு கருப்பு வெள்ளை ஆல்பத்தின் செருகேடுகளைப் புரட்டிப் புரட்டி வியக்கும் உணர்வில் இலயித்து விட்டேன்.  

நடந்த நாட்களின் நூதனசாலையின் ஒவ்வொரு அறையாக, நபீலின் எழுத்துநடை  திறந்து காட்டுகிற நுட்பத்தில் மெய்மறந்து,  சாப்பிடக் கூட மறந்து நூலை வாசித்து முடித்து விட்டேன். என்னடா நபீல்.. உன் கணினி, சொற்களை அள்ளி எறியும் கடலா என்ன...அலையலையாக ஞாபகங்களை அள்ளியள்ளி வீசுகிறதே..

 

 

வண்டில் மாடு மூத்தப்பா, நைனார் மாமா, புள்ளிம்மா, வானொலி மாமா, இலங்க மஸ்தார்,  ஆலாத்திக்காரி,  குழந்தம்மா, என்று எங்கள் மண்ணின் மூத்த மைந்தர்களை மறுபடி உயிர்ப்பித்துக் காட்டுகிறார். ஈர்க்கில் மிட்டாய் ,சோத்துக்களறி, பணியாரம், கிழங்குப் பொரியல், கஞ்சிக் கிடாரம் குஞ்சுச் சோறு,  என்று மீண்டும் வாயூற வைக்கிறார்.  கடற்கரைப்பள்ளி, பிச்சிப்பிலாவடி, சலூன்கடை, சந்தை, தேநீர்கடை, கக்கூஸ், கடல்வாடி முழுவதும் நடந்து திரிகிறார். பூணாரம்,புள்ளக்கூடு,பாய், கிடுகு வேலி, கிறுக்குச் சித்திரம், லக்ஸ்பிறே பசு, என்று மறைந்த,மறந்த பொருட்களைக் காட்டி  அதிசயம் செய்கிறார். அத்துடன் பேய் வரும் என்று வேறு பயமுறுத்துகிறார்.

 

‘’... கற்பனைகளைக் காண்பிக்கவில்லை,  நமது முகத்தை  நாமே பார்க்கும்  ஒரு புகைப்பட ஆல்பத்தை  விரித்துப் போடுகிறேன். என்னை என்னிடமே மீட்டுத் தந்த  என் பால்ய கால  நினைவுகளை  உங்களிடம் ஒப்புவிக்கிறேன்..’’ என்று நபீல் சொல்வதுதான் உண்மை. நீ இன்னுமின்னும் ஒப்புவிக்க வேண்டும், அதைஎல்லாம் நாங்கள் கேட்டுக் கொண்டே இருக்க வேண்டும்.. இதன் இரண்டாவது பாகத்தை இன்னும் எழுதவில்லையா நீ?

 

பத்திரிகையில் இத்தொடர் வரும்போது இரசித்து வாசித்து வியந்தவன் நான்.  காரணம், பத்தி எழுத்துக்களை ஒரு சிறுகதைக்குரிய சாயலில் புதுமையான நடையில் அவர், தன் புதினங்களைச் சொல்லியிருந்த விதம் என்னை மிகவும் கவர்ந்திருந்தது.

 

 

ஏற்கனவே,2010 இல், ‘காலமில்லாக் காலம்’,2011 இல், ‘எதுவும் பேசாத மழை நாள்’  ஆகிய இரு கவிதை நூல்களைத் தந்தவர் நபீல். கிழக்கு மாகாண சாகித்திய விருதும் பெற்றவர்.

 

நண்பர் பிரவீனின், அழகிய அட்டைப் படமும், நேர்த்தியான தளக் கோலமும் கொண்டு, 286  பக்கங்களில்,  அதிசயங்களை அடைத்து வைத்திருக்கும் இந்நூல், ஒரு காலச்சுவடு வெளியீடாகும். ரூ: 1200/ விலையில் கிடைக்கும் இந்நூல் அடுத்த தலைமுறையின் அதிசய புதையல் ஆகும். வாழ்த்துக்கள் நபீல். (0772858095)

 

 

 

 

 

 

 

 

 

 

 

 

 

 

 

அப்பாவின் டயரி-

இது கப்பாரின் உயிரி.

 

எஸ்.ஏ. கப்பார்- 1977 களில் உற்பவித்துப் பாய்ந்த ஓர் எழுத்து ஆறு. எழுத்தாளர், சஞ்சிகை ஆசிரியர், பத்திரிகையாளர், வங்கி மேலாளர் எனப் பல முகங்கள் கொண்டவர்.  வெண்ணிலா எனும்  காலாண்டிதழை கடந்த 2021 முதல்  நடத்தி வருகிறார்.  இவர் வங்கித் தொழிலிருந்து ஓய்வு பெற்றபின் பல்வேறு ஊடகங்களில் எழுதி வந்தாலும், தமிழன் பத்திரிகையில் வெளியான தன் 15 சிறுகதைகளைத் தொகுத்து ‘அப்பாவின் டயரி ‘ என்ற இந்நூலை கொணர்ந்துள்ளார்.  

 

தன் வாழ்வியலில் கண்டு , கேட்டு , அனுபவித்த மானுடவியலின் பல்வேறு கூறுகளை எழுதுவது இவரது இயல்பான சுவாபம் ஆகும்.  இத்தொகுப்பிலுள்ள பல கதைகள் இதற்கு சான்றாக உள்ளன.  மானுட வாழ்வின் இழிகுணத்தை சுட்டெரிக்கின்ற தன்மை இவரது கதை நெடுகிலும் ஊடுபாவிச் செல்கின்றன.. தவிர  மானுட வாழ்வின் சில மென்மையான பக்கங்களை, அவர் தேர்ந்தெடுத்த சொற்களைக் கொண்டு,  தொட்டுச் செல்வதிலும் அவரது எழுத்தனுபவம் நன்கு வெளிப்பட்டு நிற்கிறது

 

‘அப்பாவின் டயரி’ என்ற கதை உயிரோட்டமும் உணர்வோட்டமும் கலந்து வாசகர் மனங்களை கதையின்பால் இறுகப் பிணைத்து வைக்கிறது. தாய் வீடு, அம்மாவின் வளையல்களும் எஞ்சிய நூல்களும், போன்ற கதைகள் அத்தகைய தறியில் அழுத்தமாக நெய்யப்பட்ட அழகான சிறுகதைகளாகப் பரிணமிக்கின்றன.  சமூக சேவகி, தோழி ஜெனீரா, ரியுசன் மாஸ்டர் போன்ற கதைகளில்  கப்பார் தன் எழுத்தை சமூகப் பொறுப்புடன் முன்னிறுத்தி அவற்றை ஒரு சிற்பம் போல, தேர்ந்த ஒரு சிறுகதையின் வடிவம் தப்பாது செதுக்கியுள்ளார்.

 

தொகுப்பிலுள்ள  15   கதைகளும் நம்முடன் வாழுகிற நம்மவர்களின் இயல்புகளையே மையச் சரட்டாகக் கொண்டு நகர்ந்திருக்கின்றன..  சின்னச் சின்னக் கதைகளைத் தேர்ந்து சின்னச்சின்ன மொழிநடையில்  சிக்கலின்றி நேரடியாக கதை சொல்லியிருக்கும் தன்மையில் கப்பார் ஓர் எழுத்தாளராக வெற்றி பெற்றிருக்கிறார்.

 

அழகான வடிவைப்பும், தள நேர்த்தியும்  கொண்டு வெண்ணிலா பதிப்பக வெளியீடாக 105  பக்கங்களில்  ரூ;500  விலையில் கிடைக்கிறது இந்நூல்.

நூலை  காலம்சென்ற தன் அன்பு மனைவிக்கு சமர்ப்பணம் செய்திருப்பது மனதை நெகிழச் செய்கிறது.  ஒவ்வொரு கதைக்கு முன்னும் அக்கதை வெளியான தமிழன் பத்திரிகை நறுக்கை இணைத்திருப்பது ஒரு புது முயற்சி ஆகும்.

 

ஒரு கவிஞன், பத்திரிகாசிரியராக அறிந்து வைத்திருந்த நண்பர்  எஸ்.ஏ. கப்பார் அவர்களை இந்நூல் வாயிலாக ஒரு அழகான ‘கதை சொல்லி’யாகவும்   அறிந்து வியப்படைந்தேன்.  அன்பு வாழ்த்துக்கள் கப்பார். தொடர்புக்கு..07 7 6 9 6 8 6 7 1. 

 

 

 

 

 

 

 

 

இக்பால் அலியின் ‘காலத்தின் கால்கள்’

 

நாடறிந்த ஊடகவியலாளர் , கவிஞர், விமர்சகர், போன்ற பல்வேறுபட்ட துறைகளில் இயங்கி வரும் இக்பால் அலியின் புதிய வெளியீடாக வந்துள்ளது ‘காலத்தின் கால்கள்’  எனும் திறன் நோக்கு நூல்.   

 

இக்பால் அலி, தன்  தமிழிலக்கியப் பணியில்  நூற்றுக்கணக்கான நூல்களுக்கு திறன் நோக்குகள்/விமர்சனங்கள்  எழுதியுள்ள போதும், இந்நூலில், அவர் தேர்ந்தெடுத்த   34 நூல்களின் விமர்சன/திறனாய்வு கட்டுரைகள் மட்டுமே உள்ளடக்கப்பட்டுள்ளன.  தனக்கே உரித்தான ஓர் அகன்ற பார்வையில் இந்நூல்களை எடை போட்டுப் பார்த்துள்ளார் இக்பால் அலி.  இக்கட்டுரைகள், சுடர் ஒளி, நயனம்,ஞாயிறு தினக்குரல், தினகரன் வாரமஞ்சரி, தீம்புனல்  ஆகியவற்றில் பிரசுரம் பெற்றவை ஆகும்.

 

இக்பால் அலியின் இலக்கியப் பணிகளை, அவரது ஊடகப்பணி பெருமளவு விழுங்கிய போதிலும் அவற்றிலிருந்து விடுபட்டு இலக்கியத்துக்கும் நேரம் ஒதுக்கி இந்நூலை அவர் வெளிக் கொணர்ந்திருப்பது பாராட்டுக்குரியது.  ‘’..எனது,  மனதைத் தொட்ட  சில நூல்களை  நுகர்ந்து சுவைத்து  அந்நூல்களில் மறைந்துள்ள  மாபெரும் அழகுகளை  பளிச்சென்று சூரிய வெளிச்சம் போல  தெரியுமளவுக்கு துலங்கச் செய்துள்ளேன் .’’ என்று கூறுகிறார்.

 

எம்.ஏ. நுஹ்மானின் ‘கவிஞன்’ கவிதை இதழ், சாதியா பௌசரின்,’மலையக கவிதைகளில் பெண்களும், சிறுவர்களும்’ , ரா.நித்தியானந்தனின், ‘இரவைத் தேடும் நிழல்’, பண்டிதர். ச.வே. பஞ்சாட்சரத்தின் ‘விலங்குப்பறவை’,  ஜின்னாஹ் ஷரிபுத்தீனின், ‘பனிமலையின் பூபாளம்’, எஸ்.ஏ.இஸ்ஸத் பாத்திமாவின்  ‘புதையலைத் தேடி’, எம்.ஐ.எம். அஷ்ரப்பின் ‘இன்னும் உயிரோடு’, எஸ்.யூ. கமர்ஜான்  பீவியின் ‘நான் மூச்சயர்ந்த போது’,  நா.வை. குமரி வேந்தனின்  ‘தமிழ் எழுச்சி’, வெலிகம ரிம்ஸா முகம்மதின்  ‘எரிந்த சிறகுகள்,’ கலாநிதி செ. சுதர்சனின் ‘காலிமுகத்திடல்’, நா.வை. குமரி வேந்தனின்  ‘மொழி-பண்பாடு-வரலாறு, மீட்பு-காப்பு-வளர்ப்பு’, இரா.மகேஸ்வரனின்  ‘அமைதி வழியும் மதுர மொழியும்’, மருதநிலா நியாஸின்  ‘வேர்கள் அற்ற மனிதர்கள்’,  இராசையா மகேஸ்வரனின் ‘ஆண்ட பரம்பரை’, நா.வை. குமரி வேந்தனின்  ‘தமிழியற்  சான்றோர்’, கவிஞர் யோசுவாவின்  ‘கரிகாட்டுப் பூக்கள்’,  முப்தி யூஸுப் ஹனிபாவின்  ‘ஆசிரியம் ஓர் இறைவணக்கம்’, எஸ்.ஆர். தனபாலசிங்கத்தின் ‘நீங்களும் எழுதலாம்’,

 

தீரன்.ஆர்.எம். நௌஷாத்தின்   ‘முத்திரையிடப்பட்ட மது’,  ஏ.பீர்முகமதுவின் ‘இளம்பிறை எம்..ஏ. ரஹ்மான்- இருட்டடிப்புக்களை மீறி வெளிச்சத்துக்கு வந்தவர்’,  பவானியின்  ‘சில கணங்கள்’,  பேராசிரியர்.எம்.எஸ்.எம். அனஸ், கலாநிதி வீ. அமீர்தீன்,  ஏ.ஜே.எஸ். வசீல் ஆகியோரின்,  ‘இலங்கையில் இனக்கலவரங்களும் முஸ்லிம்களும்’,  மஷூரா சுஹூர்தீனின்  ‘நதிகளின் தேசிய கீதம்’,  பாவலர் பஸில் காரியப்பரின் ‘ஆத்மாவின் அலைகள்’, எம்.எம்.எம். நூறுல் ஹக்கின் ‘சிறுபான்மையினர் சில அவதானங்கள்’,  எஸ்.நஸீருதீனின் ‘நல்லதோர் வீணை செய்தே’,  தெ.கி.ப. கழகம் வெளியிட்ட பேராசிரியர் ஆ.மு.உவைஸ் பற்றிய சிறப்புமலரான ‘மர்கசி’, ரா. நித்தியானந்தனின் ‘19ஆம் நூற்றாண்டின்  இந்தியத் தமிழரின்  இலக்கை நோக்கிய  அசைவியக்கமும்,  தள்ளல்-இழுவை காரணிகளின்  செயற்பாடும்’, நுஹா பின்த் ரிஸானாவின் ‘யூஜி’, மைக்கல் கொலினின்  ‘சிலுவைகளே சிறகுகளாய்’, மருதூர் கொத்தனின்   ‘மோகனம்’, ஏ.பீர்முகம்மதின்  ‘திறன் நோக்கு’,  வேலணையூர் ரஜிந்தனின் ‘பேரன்பின் படிமங்கள்’

இவையே இக்பால் அலி தேர்ந்தெடுத்த நூல்களின் பட்டியல் ஆகும்.

 

 

இவ்வளவு பெறுமதிக்க நூல்கள் பற்றிய குறிப்புக்கள் அடங்கியுள்ள  இந்நூலில், ஆங்காங்கே காணப்படும் சில எழுத்துப்பிழைகள்  வாசிப்பில் உறுத்துகின்றது என்பதையும்,  பொருளடக்கத்தில் நூலாசிரியர்களின் பெயர்களோடு நூல் பெயரையும் பக்க எண்ணையும் குறிப்பிட்டிருந்தால் விரைவான தேடலுக்கு உதவியாய் இருந்திருக்கும் என்பதையும், கட்டுரை ஆரம்பத்தில்  ஒவ்வொரு நூலினதும் முன் அட்டைப்படத்தை இட்டிருந்தால் இன்னும் இதன் அழகுப்பெறுமானம் கூடியிருக்கும் என்பதையும்  சொல்லாமல் இருக்க முடியவில்லை.

 

அம்னா பதிப்பகம் மூலம் அழகிய அட்டையுடன் 155 பக்கங்களுடன் கனதியாக வெளியாகி ரூ. 800/-  விலையில் கிடைக்கிறது இந்நூல். நூலின் பின்னட்டைக் குறிப்பை தீம்புனல் ஆசிரியர் சூரன்.ஏ. ரவிவர்மா அவர்கள் எழுதியுள்ளார்.  தேவையானோர், 0763744700 இலக்கத்துடன் தொடர்பு கொள்க.

செங்கதிரோன். த.கோபாலகிருஷ்ணன்---யாவும் கற்பனையல்ல-

 யாவும் கற்பனையல்ல- 

சிறுகதைத்தொகுப்பு-

செங்கதிரோன். த.கோபாலகிருஷ்ணன்

மனங்களில் உச்சரிக்கும் எழுத்து மந்திரம்,

  என் அபிமானத்துக்குரிய எழுத்தாளரும், நாடறிந்த இலக்கியகர்த்தாவும் , இதழியலாளரும், அரசியல் செயற்பாட்டாளருமான செங்கதிரோன் திரு. த. கோபாலகிருஷ்ணன் அவர்களின் இந்த சிறுகதைத்தொகுப்பை வாசித்த பின், என் மனதில் பொங்கிய அருட்டுணர்வின் சில கூறுகளை ஒரு வாசகனாக இங்கு பதிவு செய்து கொள்கிறேன். 

இத்தொகுப்பில் உள்ள 13 கதைகளையும் சிறுகதைகளுக்குரிய பண்புகள் மாறாமல், தனக்குரிய இயல்பான எழுத்து நடையில் ஒரு தவ நிலையில் இருந்து படைத்து தந்திருக்கிறார் இந்த எழுத்து வித்தைக்காரர். 

சிறுகதை என்ற சொல்லுக்கு அகராதிப் பொருள் போல, 13 சிறுசிறு, கதைகளை தந்துள்ள இந்தப் படைப்பாளியின் எழுத்தில்,ஆங்காங்கே தூவப்பட்டுள்ள ஏதோ ஒரு மந்திரப் பொடி நம்மை அவரின் எழுத்தின் மீது வசியம் செய்து இடையறாது வாசிக்கவும்,  இவருடனே வசிக்கவும் செய்து விடுகிறது.. 

தேர்ந்த கதைக் கருக்களை நேர்த்தியான முறையில் வடிவமைத்து, தன் நிர்மாணங்களை தகுந்த முறையில் கட்டமைத்து வாசகர்முன் வைப்பதில் வெற்றி பெற்றிருக்கிறார் இந்த எழுத்து எந்திரி.

எழுத்துத் தொழிலில் நீண்டகால  அனுபவச் செழுமை காரணமாக தன் கதைகளை மிகவும் இலாவகமாக சொல்லிச் செல்லும் இந்தக் கதைசொல்லியின் வாழ்வியலின் பல்வேறுபட்ட அனுபவக் கூறுகளும், ஆழமான வாசிப்பின் அறிவுக் கூர்மையும், இத் தொகுப்பில் விரவிக் கிடப்பதை நம்மால் உணரக்கூடியதாக உள்ளது . 

இந்தக்கதைகள் ஒவ்வொன்றையும் தனித்தனியாக பிரித்து ஆராய்ந்து அவற்றின், வார்ப்புத் திறன், சொல்முறைமை, கையாண்ட உத்திகள் எனப் பேசிச் செல்ல  எத்தனையோ விடயங்கள் உள்ளன.அகண்ட தமிழிலக்கியப் பரப்பில் அவைபற்றிப் பேசப்படவேண்டிய அவசியமும் உள்ளது.  

தவிரவும், இவருக்குள் இயங்கும் ஒரு சமூகப் போராளியின்,ஆக்ரோஷ வெளிப்பாடு, சில கதைகளில் முனைப்புக் காட்டுகிறது. அதே சமயம்  அவர்  அக்கதைகளை ஒரு, தீவிரப் போக்கில் சொல்லுகிற தன்மை, செங்கதிரோனின் சமுக அக்கறையை வெளிக்காட்டுகிறது. மட்டுமன்றி, சமூகக் கொடுமைகளுக்கெதிராகவும்,தனிமனித சிறுமைத் தனத்துக்கு எதிராகவும் உரத்துக் குரல் கொடுக்கும் தன்மைகளும் வெளிப்பட்டு நிற்கின்றது.  ‘துரோகி’, ‘சகோதரத்துவம்’, போன்ற கதைகளில் இந்த பண்பினை காணக் கூடியதாக உள்ளது.

அதே போல, அவர் சில  கதைகளைச்  சொல்லிச் செல்லும் போக்கிலேயே தன், இயல்பான  நகைச்சுவையையும், குறும்புத் தனத்தையும் அளவோடு கலந்து தெளித்து விடுகிற பாங்கினை,  நன்றாக இரசிக்கவும் முடிகிறது.  ‘குடை கவனம்’ என்ற கதையில் மனைவிக்கு கொடுக்கின்ற ‘குறும்புக்கல்தா’வும், ‘ஒரு குழந்தையின் அழுகை’ கதையின் முடிவில் வாசகருக்குத் தரும் அதிரடி முடிவிலும் நம்மை புன்னகைக்க வைத்துவிடுகிறார் இந்த எழுத்துக் குறும்பர். 

மேலும், “அந்த ஏவறை சத்தம்’, ‘கூடு விட்டு’, ‘யாவும் கற்பனையல்ல”,போன்ற கதைகள்,  அமானுஷ்யத் தன்மையின எனலாம். இந்தவகையான கதைக் கருக்களை தமிழ்ச் சிறுகதை தளத்தில் பரிசோதித்துப் பார்த்தவர்கள் சொற்பளவினரே. இதில், செங்கதிரோன் தன் மாயத் தமிழ் நடையையும்,  கைவால்யமான எழுத்தனுபவத்தையும் கொண்டு மிக இலாவகமாக இக்கதைகளை நகர்த்தி, தன்  அனுபவ உணர்வை வாசகருக்குள் தொற்றிவிடச் செய்வதில் வெற்றி பெற்று விடுகிறார். இக்கதைகள் தரும் விசித்திர நுகர்வை வாசகரால் இலகுவில் கடந்து விட முடிவதில்லை.

சமுக அழுக்குகள் மீது வெஞ்சினம் கொண்டு வாழுகிற, இந்த எழுத்துப்போராளி,  ‘ஊர்மானம்’ என்ற கதையில், வேலாப்போடியின் உருவகத்தில் தானே வந்து, சமூகத்திடம் உரத்துக் கேட்கிற கேள்விகளுக்கு தமிழ்-முஸ்லிம் சமுகத்தில் யாரிடமும் பதில் இல்லை. 

‘அங்கிருந்து வந்தவர்கள்’ என்ற கதை, விடுதலைப்போராளிகளின் கட்டுப்பாடு சிலபோதில் கைமீறிச் சென்று பரிதாபத்துக்குரிய ஓர் இளைஞனைப் படுகொலை செய்வதில் வந்து முடிகிற துர்ப்பாக்கிய சம்பவம் ஒன்றை பதைபதைக்க வைக்கும் மொழியில் விபரிக்கிறது. விறுவிறுப்பான எழுத்தில் அதே சமயம் நிதானமான முறையில் இக்கதையை நகர்த்திச் சென்றிருக்கிறார் ஆசிரியர்..

இத்தொகுதியில்,உள்ள, ‘கரப்பத்தான் பூச்சி’  என்ற கதை, இந்நூலின் தலைப்பாக போடக் கூடிய அளவு முக்கியமான ஒரு நட்சத்திரக் கதையாகும்.  இரு கரப்பத்தான் பூச்சிகளின் புணர்வில், மகாபாரதப் புராணத்தின் ஒரு சம்பவத்தைக் கொண்டு வந்து கச்சிதமாகப் பொருத்தி, கடைசியில், //இரு உயிர்கள் கலவி இன்பத்தில் ஈடுபட்டிருக்கையில், அதனைக் குழப்புவது அல்லது கெடுப்பது சாபத்துக்குரிய பாவம்.// என்று கதாசிரியர் அவற்றைத் தப்பிக்க வைப்பதுவும், பாண்டு மன்னனை மறுவாசிப்பு செய்துள்ள வகையிலும் இது முக்கியத்துவம் பெறுகிறது. மேலும், இந்தப் படைப்பாளியின் உயர்ந்த, இளகிய  மனோபாவத்தின் போற்றுதலுக்குரிய பண்பும் இக்கதையில் இழையோடி நிற்கிறது. .. 

பொதுவாக, இத்தொகுப்பிலுள்ள கதைகள், சொல்நேர்த்தியிலும், எடுத்தாண்ட கருப் பொருள்களாலும் வெற்றி பெற்று விடுகின்றன. வாசகர் மனதிலும் தங்கி விடுகின்றன..ஆசிரியர் தன் கதைகளை,  தான் வாழும் சூழலை ஒட்டியே நகர்த்துவதால் கதைகள் மிக யதார்த்தமான தன்மையை பெற்று, வாசகரை கதையோடு ஒன்றிக்க வைத்து விடுகின்றன. இது ஆசிரியருக்கு கிடைத்துள்ள வெற்றியாகும்,  தவிரவும், சிறுகதைகள் பற்றிய ஆசிரியரின் தெளிவான பார்வையையும் இது வெளிக்காட்டி நிற்கிறது.  இத்தொகுப்பில் உள்ள பலகதைகள்  பல்வேறு சிறுகதைப் போட்டிகளில் பரிசுகள் பெற்றுள்ளமை அதற்குச் சான்றாகவும் அமைகின்றன. 

கற்பனைப் புனைவுகளுக்கு ஒப்பனைப் பூச்சு தீற்றி தமிழ் வெளியில் சஞ்சரிப்போர்  மத்தியில், இவை யாவும் கற்பனையல்ல என்று யதார்த்தச் சிறகுகளைப் பொருத்தி தன் படைப்புலகில் தனித்துவமாகப் பறக்கின்ற செங்கதிரோன் என்ற எழுத்து விஞ்ஞானியை மனமுவந்து பாராட்டுகின்றேன். வாழ்க அவர் எழுத்துப் பணி..

தீரன். ஆர்.எம். நௌஷாத்.

2023.07.15

  

தாஸிம் அஹமத் -கதீர்

 

கவிதைச் சிறகு. தாஸிம் அஹமத் 

மானுடத்தின் பால் கொண்டுள்ள ஆழ்ந்த கரிசனையும்,  ஆன்மிகத்தின் மீதான அவாவுகையும், மட்டுமன்றி, சமூக அழுக்குகள் மீதான ஆக்ரோஷ வெளிப்படுகைகளும்தாம் இக்கவிஞனின் ஆதர்ஷம் எனலாம்...

கவிதைச் சிறகு கட்டித் தீராவெளியில் பறந்து, தகிக்கின்ற சொற்களைக் காவிக் கொண்டு வந்து, காகிதத்தின் மீது எறியும் எழுத்து அபாபீல் இவர்..

 இன்னும், தன் மென்னுணர்வுப் புள்ளிகளிட்ட கவிதைச் சிறகால், மானுடர் மீது இதமாய் வீசுகின்ற எண்ணத்துப் பூச்சியும் இவரே..

லண்டன் தமிழ் இலக்கிய  நிறுவகமும், இலங்கை தமிழ் இலக்கிய  நிறுவகமும், இணைந்து வழங்கிய 2019 இரா.உதயணன் விருது பெற்ற இக்கவிதை சிறகை முழுவதுமாக வாசித்த பின், இக்கவிஞனை விட்டு வெகுநேரம் பிரிய முடியாதிருந்தது..

வகவம் தலைவருக்கு வாழ்த்துக்கள்..

 

 

காக்கை நிற சேலை. இது,    கதைகளின் நூதனசாலை..

கதீரை ஒரு கவிஞனாகவே கருதியிருந்தேன். காக்கை நிற சேலை வாசிக்கும்வரை.

ஆன்மாவின் இலாவண்யத்துள் தன் கதைகளை இழைத்துள்ள கதீர், இந்த 8 கதைகளிலும் காலத்தை ஒரு மெல்லுணர்வாக சித்தரித்துப் பார்த்துள்ளார்.

கதீர், இயக்கியுள்ள இக் கதைகள், நுகர்வோரின் மனதில் , ஒரு, கதிரியக்க வீச்சின் அதிர்வுகளைத் தவறாமல் தருகிறது.

அதிலும் பூனைக்குடில், ஆக்கா, மெல்லுணர்வு என்ற கதைகள் அவன் எழுத்தின் உச்ச வீச்செல்லை எனலாம்.

கதீரின் கதைகள் ஒவ்வொன்றையும் பற்றி, விரிவாக பேசலாம்தான்..பார்ப்போம் ஒரு சந்தர்ப்பத்தில்...

வாழ்த்துக்கள்

கதீர்.

 

வெளியான - கட்டுரைகள்;-பத்தி எழுத்துக்கள்..

 

வெளியான - கட்டுரைகள்;-பத்தி எழுத்துக்கள்..

 

 26 நஸ்ருல் என்றொரு எரிநட்சத்திரம்.

(ஞானம். 128 - ஜனவரி 2011)

 25 ஆங்கிலேயர் காலத்தில் வளர்ச்சிபெற்ற அஞ்சல்துறை.

(தினகரன். 09.10.2010)

 24 34 ஆண்டுகள் தெடர்ச்சியான நாடாளுமன்ற உறுப்பினர் பணி. நாளை 85 அகவை காணும் அப்துல் மஜீதின் சாதனை.

(2009. ஒக்டோபர்16 (சுடர் ஒளி)

 23 சம்மாந்துறையில் ஒரு வாழும் சரித்திரம். சமுகமாமதி. அல்ஹாஜ். அப்தல்மஜீத். பீ.ஏ (தினக்குரல். 2009.10.16. நவமணி 24.10.2009 )

 22 உலக தபால்தினம் இன்று. (இலங்கை தபால்துறையின் வரலாறு) (2010.ஒக்டோபர்.09 தினகரன்)

 21 கல்முனை மாநகரின் நிர்மானச் சிற்பி.கேற்முதலியார் எம்எஸ். காரியப்பர். (2009.03.13. தினகரன். 2009.03.13.தினக்குரல்.)

 20 நுனிப்புல்லரிப்பு (நீங்களும் எழுதலாம்- கவியிதழ்.

2010. ஜனவரி- பெப்ரவரி)

 19 காலத்தால்; அழியாத ஈழத்துக் கீதம். அழகான ஒருசோடிக் கண்கள்.

(ஞானம் மே 2008.)

 18 மடிந்து விழுந்த வெள்ளி

(யாத்ரா. மார்ச். 2005)

 17 சயனைட் அடைக்கப்பட்ட குப்பி

(நியதி- மார்ச். 2004.)

 16 ஒரு உருவப்பட்ட வாள்.

(நியதி மார்ச். 2004.)

 15 நேருக்கு நேராய் வரட்டும்.! வாலைவாருதியின் நேர்காணல்.

(யாத்ரா. நவ-டிஸ. 2002)

 14 கவிதை வன்முறையில் பயன்படுத்தப்படும் சில கனரக ஆயுதங்கள்.

(யாத்ரா. ஜன- மார்ச்.2002)

 13 பாமரப்-பா

(யாத்ரா. செப்டம்பர். 2000)

 12. ஹைக்கூ.- நகப்பொட்டில் நவபிரபஞ்சம்.

(புள்ளி. 1993.)

 11. ஸ்ரீலங்கா முஸ்லிம் காங்கிரஸ் புதிய உத்வேகத்துடன் எழுந்து வருகிறது. (அல்ஹ_தா-1986 நவம்பர்.

 10 ;மேமன்கவியின் இயந்திர சூரியன்.- விமர்சனம்.

(அல்.ஹ_தா. இதழ் 3. ஓகஸ்ட் 1985)

 09 மெஹ்ருன் நிஸாவின் ~விடியலை நோக்கி அவனுக்காக..|- அறிமுகம்.

(தினகரன் 1984. மார்ச்.)

 08 கொக்கூர்கிழான் கவிதைகள்.

(தினகரன். 1982.05.23)

 07 நாட்டார் பாடல்களில்; நகைச்சுவை.

(தினகரன். 1982.04.18.)

 06 எம். ஐ. அஸீஸ் சேர் அவர்களின் முன்மாதிரி.

(1980 கல்முனை ஸாஹிறா.)

 05 கடற்கரை மினாரா..காண வாரீர்.!

(தினபதி. 1981.04.18.)

 04 நடடா ராஜா நடடா.

(தினகரன் 1981. மார்ச்.)

 03 ஹிஜ்ரி விழாவில் முஸ்லிம் பெண்களுக்கும் சைக்கிளோட்டப் போட்டி.

(தினபதி. 1981.03.18.)

 02 கண்களும் பெண்களும்.

(தினபதி. 1980.10.18.)

 01 முத்திரை சேகரித்தல்.- ஓர் இலாபமிக்க பொழுதுபோக்கு.

(தினகரன். 30.12.1978)

 

அல்ஹாஜ். எம்.எஸ்.புகாரி--ஆசிரியர்---- எம்.எம். ஆதம்பாவா.

 

அல்ஹாஜ். எம்.எஸ்.புகாரி--ஆசிரியர்

இம்மை- 19.03.1948.............இன்மை- 31.07.2010

 

எம்.எம். ஆதம்பாவா.

 

35வருடங்கள் நல்லாசிரியராக அர்ப்பணிப்புடன் சேவையாற்றி மாணவர்கள் பெற்றோர்கள் சக ஆசிரியர்களின் மனங்களில் அழியா இடம்பெற்ற கடமையுணர்வுää நேர்மைää தியாக உணர்வுää அடுத்தவரை மதிக்கும் பண்பு ஆகிய அருங்குணங்களை அணிகலனாகக் கொண்ட அல்ஹாஜ். எம்.எஸ்.புகாரி தனது 62வது வயதில் காலமானார்.

 பரந்த அறிவு தெளிந்த சிந்தனை முன்மாதிரியான நடத்தை ஆற்றல்ää துணிச்சல்ää புத்திக் கூர்மைää நேரமுகாமைத்துவம்ää கவர்ச்சியான கற்பித்தல் அழகுபடுத்தல்ää கற்பனா சக்திää கலையுள்ளம்ää மனஉறுதிää எப்போதும் தனக்குச் சரியெனப்பட்டதை தயக்கமின்றிக் கூறுதல்ää ஆகிய ஆளுமைப் பண்புகளைக் கொண்டிருந்தார்.

 சாய்ந்தமருது சேக்குனாலெவ்வை முகம்மது சதக் ஆதம்பாவா சபியா உம்மா தம்பதிகளின் கனிஸ்ட புதல்வராக 19.03.1948ல் பிறந்தார். ஆரம்பக் கல்வியை அன்றைய அல்ஜலால் வித்தியாலயம் (ஆலமரத்தடிப்பள்ளி) யிலும்ää இடைநிலைக்கல்வியை கல்முனை பாத்திமாக் கல்லூரிää உவெஸ்லி உயர்தரப் பாடசாலைää சாகிராக் கல்லூரி ஆகியவற்றிலும் கற்றார். 11.12.1978ல் கணிதவிஞ்ஞான ஆசிரியராக மஹ்முத்மகளிர் கல்லூரிக்கு நியமனம் பெற்றார். அஸ்ஸிறாஜ் வித்தியாலயம்ää (சாளம்பைக்கேணி)ää சம்ஜஸ்இல்ம் மகாவித்தியாலயம் (மருதமுனை) ஆகியவற்றிலும் ஆசிரிய சேவையை ஆற்றி உள்ளார்.

 1978ல் அட்டாளைச்சேனை ஆசிரியர் பயிற்சிக் கல்லூரியில் கணிதநெறிப்பயிற்சியை முடிப்பதற்காகச் சென்றிருந்த போது சம்பளத்துடனான கற்கை விடுமுறையில் கொழும்பு பல்கலைக்கழகத்தில் கலைத்துறைக்குத் தோந்தெடுக்கப்பட்டு 1982ல் கலைப்பட்டதாரியானார். 1992ல் பட்டப்பின் கல்வி டிப்ளோமாவை நிறைவு செய்து ஆங்கிலத்திலும் டிப்ளோமா சான்றிதழை பெற்றிருந்தார். 26.06.1996 தொடக்கம் 23.03.1998 வரை முறைசாராக் கல்வி இணைப்பாளராகக் கடமையாற்றினார்.

 சிறந்த முகாமையாளர் அழகியல் கலையில் ஆர்வமுடையவர். மேடை அலங்காரம் தோரணம் சித்திரக் கண்காட்சிää பொருட்காட்சிää பூந்தோட்டம்ää கிறீன்ஹவுஸ்ää விலங்கியல் பூங்காää நிர்வாகக் கட்டடத்தின் நுழைவாயில்ää வடிவமைப்புää புகைப்படமெடுத்தல்ää போன்ற அனைத்து அம்சங்களிலும்ää மஹ்முத் மகளிர் கல்லூரியில் அர்ப்பணிப்புடன் ஈடுபட்டு தடம் பதித்தார்.

 தனது நகைச்சுவைப் பேச்சுக்களால்ää எல்லோரையும் சிரிக்கவும் சிந்திக்கவும் வைப்பதில் வல்லவர். அபாரமான ஆற்றல் ஆக்கபூர்வமான சிந்தனைää வினைத்திறனுடன் செயலாற்றுவதில் திறமைää ஆகிய பண்புகள் அவரிடம் சிறப்பாகக் காணப்பட்டன.

 மஹ்முத் மகளிர் கல்லூரியில் 18.03.2008ல்ஓய்வு பெற்றபோது கொடி சஞ்சிகைää பிரியாவிடை வைபவச் சிறப்பு மலர் வெளியிட்டுக் கௌரவிக்கப்பட்டது. குறிப்பிடத்தக்கது.

 கல்லூரியின் கொடிää கல்லூரி இலச்சினை என்பவற்றை வடிவமைத்த பெருமை இவரையே சாரும். பாடசாலை ஒழுக்கக் கோவை தயாரிப்பும் இவருடையதே.. ஆசிரியர் நலன்புரிக் குழு யாப்பு உருவாக்கியது ஒரு வரலாற்றுச் சான்றாகும். ஆசிரியர் நலன்புரிச்சங்கத் தலைவராக விளையாட்டுக்குழுத் தலைவராக பகுதித் தலைவராக முகாமைத்துவக் குழு உறுப்பினராக சஞ்சிகைக்குழு அங்கத்தவராக பல்வேறு பணிகளில் அயராது பாடுபட்டுழைத்தார்.

 தனிப்பட்ட வாழ்வில் ஒரு சிறந்த குடும்பஸ்தராக மிளிர்ந்தார். 28.07.1978ல் ஐ.எல். ஹபீபாவை திருமணம் செய்தார். இவர்களின் இல்லறச் சோலையில் பூத்த இனிய மலர்கள் ஐந்து ஆண்மக்களாவர். இவர்கள் கல்வியில் முன்னேறி நன்னிலையில் உள்ளனர். . வல்லநாயன் இவரின் சேவைகளைப் பொருந்தி ஜன்னத்துல் பிர்தௌஸை வழங்குவானாக….00

 நவமணி-

இலங்கை தபால் துறையின் வரலாறு. ----- முகம்மது நௌஸாத் காரியப்பர்

 

உலக அஞ்சல் தினம். அக்டோபர் 09. 2010

 

இலங்கை தபால் துறையின் வரலாறு.

முகம்மது நௌஸாத் காரியப்பர்

(அஞ்சல் அதிபர். சாய்ந்தமருது.

பத்திராதிபர்- அஞ்சல் உத்தியோகத்தர்கள் சங்கம்.)

 

ஆதிமனிதன் இடம்பெயராமல் இருந்ததால் அவனுக்கு செய்திப் பரிமாற்றம் அவசியப்படவில்லை. பின்னர் ஏற்பப்ட பல்வகையான காரணிகளின் நிமித்தம் மனிதன் இடம் பெயர ஆரம்பித்தான். அச்சமயம்தான் முதல்முதலாக செய்திப் பரிமாற்றத்தின் அவசியம் உணரப்பட்டது. செய்தியை தூர இடங்களுக்கு எடுத்துச் செ(h)ல்வதற்கு ஒரு சாதனம் தேவைப்பட்டது. இதற்காக ஆதிமனிதன் முதலில் தன் குரலையே அதி வேகத்துடன் ஒலி பரப்பினான்.

 பின்வந்த காலத்தில் பல்வகையான பொருட்களினால் விதவிதமான ஒலிகளை ஒழுப்பி தன் வேறுபட்ட செய்திகளை அறிவித்தான். அம்புவில் கண்டுபிடிக்கப்ப்ட பின்னர் அம்பில் தனது செய்தியை அனுப்பி வைத்தான். அதேசமயம் இரகசியமான செய்திகளை அடிமைகள் வாயிலாகச் சொல்லியனுப்ப ஆரம்பித்தான். எழுதப்படிக்க ஆரம்பித்த காலங்களில் செய்தி அனுப்பும் துறையில் பாரிய மாற்றங்கள் ஏற்ட்டன. இக்காலத்தில் புறாக்களும் வல்லூறுகளும் மற்றும் மிருகங்களும் கூட செய்தியை எடுத்துச் செல்லப்பயன்பட்டன. நீர்நிலைகள்ää கானகங்கள் கடந்து செல்வதற்குப் புறாக்;கள் மிகவும் உதவியாக இருந்தன. பின்னர் போக்குவரத்திற்கான பாதைகள் ஏற்பட்ட காலத்தில் மனிதனே செய்தியை எடுத்துச் செல்ல ஆரம்பித்தான். ஒருஅடிமையின் தலையை மொட்டையடித்து தலையில்; செய்தியை எழுதி மயிர் வளர்ந்த பின் அவனைக் குறிப்பிட்ட இடத்திற்கு அனுப்பி அங்கு மீண்டும் மொட்டையடிக்கப்பட்டு செய்தி வாசிக்கப்பட்டது. பின்னர் ஓலைச்சுவடிகளில் எழுதப்பட்டு தூதுவனிடம் கொடுத்தனுப்;பப்பட்டது. கிரேக்கர்களின் இராச்சியத்தில் வாழ்ந்த மரத்தான் எனும் செய்திப்பிரிவு வீரன் ஒருத்தன் அவசரமான ஒரு யுத்தச் செய்தியை அறிவிப்பதற்காக இடைவிடாது 26 மைல்கள் தூரம் ஓடிச்சென்று செய்தியை அறிவித்த பின் முச்சிரைத்து இறந்து போனான். இவனது தியாகம் காரணமாகவே சர்வதேச ஒலிம்பிக் போட்டிகளில் இன்றும் ~மரதன் ஒட்டம்| நடத்தப்படுகிறது.

 தொடர்ந்து ஒரு மனிதனை ஓடச் செய்யாமல் குறிப்பிட்ட தூரத்திற்கொரு வீரனை நிறுத்தி செய்திகள் எழுதப்பட்ட குழலைப் பரிமாறும் உத்தி கண்டுபிடிக்கப்பட்ட பின் தகவல் பரிமாற்றம் எளிதாயிற்று. ~அஞ்சல் ஒட்டத்தின்| வரலாறு இதிலிருந்தே ஆரம்பிக்கின்றது. இந்த அஞ்சல் வீரர்கள் காடுää மலைää நீர்நிலைகள் கடந்து ஓடியே அஞ்சல் பரிமாற்றம் செய்தனர். பின்னர் தூர இடங்களுக்கு குதிரை வீரர்கள் அஞ்சல் செய்தனர். பொதுவாக உலக அஞ்சல் வரலாறு மேற்கண்டவாறு ஆரம்பித்தது.

 இலங்கை அஞ்சல்துறை

 எமது நாட்;டைப் பொறுத்தவரையில் 1500களில் ஆண்ட போர்த்துக்கேயர் காலத்திலும் 1600களில் ஆண்ட ஒல்லாந்தர் காலத்திலும்ää அஞ்சல் துறையில் போதிய வளர்ச்சிகளோ அபிவிருத்திகளோ காணப்படவில்லை. 1700களில் ஆஙகிலேயர் ஆட்சிக் காலத்திலேயே அஞ்சல்துறையில் துரித வளர்ச்சியும் அபிவிருத்தியும் நவீன தொடர்பாடல் உத்திகளும் ஏற்பட்டன. குறிப்பாக இலங்கையில் ஆங்கிலேய கிழக்கிந்தியக் கம்பனியாரின் தகவல் பரிமாற்ற வசதிக்காக இலங்கைக்கும் இந்தியாவிற்குமிடையிலான ஒரு ஒழுங்கமைக்கப்படாத தபால்சேவை கெப்டன் ஏ. கென்னடி என்பவரால் ஏற்படுத்தப்ப்ட்டது. அதன்பின்னர் 1804 தொக்கம் 1817ம் ஆண்டுவரை அஞ்சல்துறையின் தலைமைப் பொறுப்பிலிருந்த திரு. ஈ. பிளாட்டமன் அவர்கள் 1815ல் நமது நாட்டில் கொழும்பு காலி மாத்தறை திருகோணமலை யாழ்ப்பாணம் மன்னார் ஆகிய ஆறு இடங்களில அஞ்சல் அலுவலகங்களை ஆரம்பித்தார். 1832ல் ஆசியாவிலேயே முதல்தடவையாக கொழும்புக்கும் கண்டிக்கும் இடையிலான குதிரைவண்டித் தபால்சேவை ஆரம்பிக்கப்பட்டது. 1838ல் இச்சேவை கொழும்புக்கும் காலிக்ககுமிடையில் விஸ்தரிக்கப்பட்டது.1850ல் கொழும்புக்கும் காலிக்கும் இடையில் அவசர தபால்சேவை பழக்கப்பட்ட தபால்புறாக்கள் மூலம் அனுப்பப்;பட்டது. 1857.ஏப்ரல் முதலாம் திகதி 6பென்ஸ் பெறுமதியானதும் விக்டோரியா மகாராணியாரின் தலையுருவம் கொண்டதுமான முத்திரைவெளியிடப்பட்டது. (உலகின் முதல்முத்திரை இங்கிலாந்தில் 1840ல் ஒருபென்ஸ் பெறுமதியில் வெளியானது)

 இலங்கையில் புகையிரதச் சேவை வந்ததன் பின்னர் முதல்தடவையாக 1865ல் கொழும்புக்கும் அம்பேபுஸ்ஸக்கும் இடையிலான தபால்புகையிரத சேவை உருவாக்கப்ப்ட்து. 1867ல் தனியாருக்கான தபால்பைää தபால்பெட்டிää சேவைகள் கொழும்பிலும் கண்டியிலும் ஆரம்பிக்கப்பட்ன. 1872 ஓகஸ்ட் 22ல்தான் முதன்முறையாக தபால்அட்டை வெளியானது. 1873ல் கொழும்புக்கும் இங்கிலாந்துக்குமிடையிலான காசுக்கட்டளை சேவை ஆரம்பிக்கப்படடது. 1877ல் உள்நாட்டு காசுக்கட்ட்ளைச் சேவை ஆரம்பிக்கப்ப்டதிலிருந்தும்ää 1877 ஏப்ரல் 1ம் திகதி இலங்கை அகிலதேச அஞ்சல் சங்கத்தில் ஒரு உறுப்பினராக இணைந்து கொண்டதிலிருந்தும்ää தபால்துறை துரித அபிவிருத்தி காணத் தொடங்கியது. 1880ல் இலங்கை இந்திய காசுக்கட்டளை சேவை தொடங்கியது. 1885.மே 1ல் அஞ்சல்அலுவலக சேமிப்பு வங்கியும் ஆரம்பமானது.1893ல் இலங்கை நாணயப் பெறுமதியில் இரண்டு சதம் பெறுமதியான முத்திரை வெளியிடப்பட்டது. 1895.ஓகஸ்ட் 19ம் திகதி கொழும்பு பிரதம அஞ்சல்அலுவலகம் ஆரம்பித்து வைக்கப்பட்டது.

 பின்னர் 1913 தொடக்கம் 1923 வரை இலங்கையில் அஞ்சலதிபதியாக இருந்த திரு. எப்.ஜே. ஸ்மித் அவர்கள் முதல்முறையாக 6 உப தபால் அலுவலகங்களை அக்மீமனää திவுலப்பிடடியää ஆனமடுவää கிரியெல்லää மூதூர்ää சிலாபத்துறை ஆகிய ஆறு இடங்களில் அமைத்தார். 1928ல் இங்கையின் முதலாவது வான்கடிதம் மாஸெல்ஸ் நகரத்திற்கு விமானத் தபால் வாயிலாகப் பறந்தது. 1936ல் அஞ்சல்அறிமுக அட்டை விநியோகம் செய்யப்பட்டதும்ää இங்கிலாந்திலிருந்து நத்தார் தபால்கள் விமானம் மூலம் இலங்கையை அடைந்ததும்; குறிப்பிடத்தக்கன.

 947 இலேயே இலங்கை நாட்டவர் ஒருவர் (திரு. ஏ.இ. பெரேரா) அஞ்சல்அதிபதியாக நியமனம் பெற்றார்.இதனைத் தொடர்ந்து 1949ல் கொழும்புக்கும் யாழ்ப்பாணத்திற்கும் இடையில் வான் தபால்சேவை ஆரமபித்தது. 1958ல் இலங்கை போக்குவரத்துச்சேவையுடன் இணைந்து தபால் பஸ் சேவை தினமும் ஓடத் தொடங்கின. இதனால் இலங்கை மக்கள் அனைவருக்கும் தபால்சேவை தங்குதடையின்றிக் கிடைத்தன.

 1967சனவரி1ல் இலங்கை முத்திரைப்பணியகம் ஸ்தாபிக்கப்பட்டது. செப்டமபர் மாதம் முதல் முத்திரைக் கண்காட்சி மக்களுக்குக் காட்சிப்படுத்தப்பட்டது. 1972ல் முத்திரைகளை வெளியிடும் பணி முத்திரைப் பணியகத்திற்கு வழங்கப்பட்டது. 1975ல் அஞ்சல்அதிபர்களுக்கு பயிற்சி வழங்குவதற்காக வெள்ளவத்தையில் அஞ்சல்பயிற்சி நிலையம் ஆரம்பித்து வைக்கப்ப்டது. 1979ல் பிராந்தியங்கள் ரீதியாகத் தபால்தரம் பிரிக்கும் நிலையம் இரத்தினபுரியில் முதலாவதாக ஆரம்பிக்கப்படதும் தபால்கள் விரைவாக மக்களைச் சென்றடைந்தன.

 

இதுவரை காலமும் ஒன்றாகவே கையாளப்பட்டு வந்த தபால்துறையானது 1980 ஓகஸ்;ட் 15ம் திகதி தபால் மற்றும் தந்திச் சேவை என இரண்டாகப் பிரிக்கப்பட்டு தந்திக்கு துரிதவசதிகள் செய்யப்பட்டன. 1981ல் அஞ்சல்முகவர் நிலையங்கள் அனுமதிக்கப்பட்ன. மேலும்ää 1989. ஒக்டேபர் 1ல் ஈஎம்எஸ். என்னும் விரைவுத்தபாற்சேவை ஆரம்பிக்கப்பட்டதுää 1990 ஜூலை 2ல் ஸ்பீற் போஸ்ற் எனப்படும்; அதிவிரைவுத் தபாற்சேவை பரீ;ட்சார்த்தமாக ஆரம்பிக்கப்பட்டது. 1992ல் தபால்திணைக்களத்தில் மாகாண ரீதியிலாக நிர்வாகப்பரவலாக்கம் ஏற்ப்டுத்தப்பட்டதும் ; பிராந்திய ரீதியில் அஞ்சல்அறிமுகஅட்டை வழங்கப்பட்டது. மேலும்ää இதே ஆண்டுää தொலைநகல் (பெக்ஸ்) சேவைப் பரிமாற்றமும்ää தொடங்கியது. 1992ல் இதுவரை காலமும் அஞ்சலதிபர்களாக ஆண்கள் மட்டுமே கடமையர்றறிய நிலையிலிருந்து மாறி பெண்களும் அஞ்சல்அதிபர் சேவையில் நியமிக்கப்பட்டனர். 1994ல் கொழும்புக்கு வெளியே அஞ்சல் பொதி ஒப்படைப்பு நிலையம் ஆரம்பிக்கப்பட்டது. 1996ல் தபால்தரம்பிரிப்பை மேலும் இலகுவாக்கும் பொருட்டு; ஒவ்வோர் ஊருக்கும் தபால்குறியீட்டு இலக்கம் அறிமுகப்படுத்தப்பட்டது. (உதாரணம்: சாய்ந்தமருது அஞ்சல் குறியீ;டு இலக்கம் 32280) 1999ல் தபால்திணைக்களம் கணிணிமயமாகத் தொடங்கியது.

 2000ம் ஆண்டில் இலங்கையின் பலபாகங்களிலும் தபால்துறை கணிணியைப்பயன்படுத்த ஆரம்பித்தது. தொடர்ந்து 2001ல் இணையத் தளம்ää மின்னஞ்சல்ää ஒன்லைன் சேவை என தபால்திணைக்களத்தின் சகல செற்பாடுகளும்;; அதிநவீன மின்னியல் உலகத்தினுள் பிரவேசித்தன. தற்போது அநேகமாக அனைத்து தபால்நிலையங்களிலும் ஒன்லைன் வாயிலாக மின்பட்டியல் கொடுப்பனவுää வெளிநர்டுக்கடிதங்களுக்கான ஒப்படைப்பு அறிவிப்பு இலத்திரனியல் காசுக்கட்டளைச் சேவை (ஈமணிஓடர்) தபால் பணப்பரிமாற்றச் சேவை (பீஎம்.ரீ) என்பன புதிதாக அறிமுகப்படுத்தப்பட்டு பொதுமக்களுக்கு துரிதகதியில் சேவையாற்றப்பட்டு வருகின்றன. ரெலிகொம் நிறுவனத்தின் முற்கொடுப்பனவு அட்டைகளும் விற்பனைக்குள்ளன.

 அத்துடன் தற்போது இலங்கை முழுவதும்ää 609 அஞ்சல் அலுவலகங்களும்ää 3440 உப தபால் நிலையங்களும்ää 536 முகவர் தபால் நிலையங்களும்ää 46 தபால்கடைகளும் இயங்கிவருகின்றன. இவற்றில் திணைக்களத்தின்ää வழமையான சேவைகளானää அஞ்சல் முத்திரைää முத்திரையிடப்பட்ட பொருட்கள்ää எழுதுகருவிகள்ää தொலைபேசி அழைப்புக்கள்ää பிரித்தானிய தபாற் கட்டளைää தொகை அஞ்சல் பொருட்கள் பாரமெடுத்தல்ää சமுகசேவைக் கொடுப்பனவுகள்ää (சயரோகம்ää தொழுநோய்ää புற்றுநோய்ää வறியவர்களுக்கான ஆதாரப் பணக் கொப்பனவுகள்)ää விவசாய மீன்பிடியாளர்களுக்கான ஓய்வூதியக் கொடுப்பனவுää பரி;ட்சைக்கட்டணம் வாகனத்தண்டப்பணம் செலுத்துதல்ää விரைவுத் தபாற்சேவைää தபால் தேசிய சேமிப்பு வங்கிச் சேவைகள்ää தபால்பெட்டி மற்றம் தபால்பை சேவைகள்ää தந்திச் சேவைகள்ää தொலைநகல்ää போட்டோ பிரதிகள்ää பதிவஞ்சல் மற்றும் சாதாரண கடிதச் சேவைகள்ää உண்ணாட்டு வெளிநாட்டு பொதிச் சேவைகள்ää காப்புறுதிக்கடித சேவைகள்ää அஞ்சல் அறிமுக அட்டைää புதினப்பத்திரிகைகள் பதிவு செய்தல்ää என்பவற்றுடன் மேலும் பல நவீன காலத்திற்கு வேண்டிய புதிய பல சேவைகளும் ஆற்றப்பட்டு வருகின்றன.

 புராதன காலத்திலிருந்து அதிநவீன காலம் வரை அனைத்துலக மக்களுக்கும் தனது ஈடினையற்றதும்ää அர்ப்பணிப்புமிக்கதுமான புனித சேவையை எவ்விதப்பாகுபாடுமின்றி ஆற்றிவரும் தபால்துறையினருக்காக ~உலகதபால்தினம் பிரதி வருடமும் ஒக்டோபர். 9ம் திகதி உலகம் முழுவதும் கொண்டாடப்பட்டு வருகிறது.0